|
स्याङ्जा : सिद्धार्थ राजमार्ग अन्तर्गत स्याङजाको मालुङ्गामा कार दुर्घटना हुँदा तीन जना घाइते भएका छन्। गएराति ९:३० बजेको समयमा उक्त कार दुर्घटना भएको प्रहरीले जनाएको छ ।
बुटवलबाट पोखरा जाँदै गरेको ग २ च २१७४ नम्बरको कार सिद्धार्थ राजमार्गबाट करिब तीन सय मिटर तल खसेको छ । दुर्घटनामा परि कारमा सवार ४३ वर्षका सुमन गुरुङ, २८ वर्षीया उत्तम भण्डारी र ३५ वर्षका सन्दीप थकाली घाइते भएका छन्।
घाइते तीनै जनालाई गल्याङ नगर अस्पतालमा प्राथमिक उपचार गरि थप उपचारका लागि मनिपाल शिक्षण अस्पताल पोखरा पठाइएको छ। दुर्घटना सम्बन्धी अनुसन्धान भइरहेको जिल्ला प्रहरी कार्यालय स्याङजाका सूचना अधिकारी रविन्द्र खनालले जानकारी दिए। थाहाखबर
