|
पर्वतको जलजला गाउँपालिका-३ वारी बेनीस्थित ४ वर्षीया बालिकालाई बलात्कार गरेको आरोपमा एक जना पक्राउ परेका छन् ।बिहीबार साँझ ७ बजे बेनी नगरपालिका, ४ डाँडाखेतका २२ वर्षीय सन्देश छिनालले बालिकालाई ललाइ-फकाइ डेरा नजिकै अर्को कोठामा लगेर बलात्कार गरी बेहोस अवस्थामा छोडेर भागेको प्रहरीको अनुसन्धानबाट खुलेको छ ।
अचेत अवस्थामा आफन्तले बालिकाको उद्धार गरी बेनी अस्पताल पुर्याएको प्रहरी चौकी वारीबेनीले जनाएको छ । बालिका बलात्कारपछि फरार छिनाललाई जिल्ला प्रहरी कार्यालय पर्वतको टोलीले शनिबार बिहान घरबाट पक्राउ गरेको प्रहरी चौकी वारीबेनीका असई विराज ढकालले जानकारी दिए । पीडित बालिकाका अभिभावक वारी बेनीमा डेरा गरी बस्दैआएका छन्। घटनाबारे थप अनुसन्धान भइरहेको प्रहरीले जनाएको छ ।
२०७९ बैशाख १०, शनिबार प्रकाशित
